Acto "Día da Muller 2014, na Sociedade Parroquial de Vedra.

Ponencias: María Rosa Iglesias "Por qué conmemoramos o 8 de marzo, o día da muller" e Susana Blanco "Rosalía e María Pita: a loita pola galeguidade". Recitado poesía en galego antiguo "De volta pr´a Terra": Delfina Blanco. Mención "Virxinia 2014": Beatriz Lagoa Veiga e Mención "Rosalía 2014": Josefina García Noia (Pepa Noia). Música: Carina Fragoso e outros/as integrantes do grupo de música de Vedra.

Mostra de debuxos e pinturas, tema "A muller", de Rosa Mastropietro.                                               Grazas a todas e todos! Foi un acto emotivo e marabiloso!

Acto polo Día da Muller: 8/3/2014, na Sociedade Parroqueial Vedra.

As Herbas de Prata cara a Galiza, conmemorando o Día da Muller.

http://www.crtvg.es/informativos/a-arxentina-celebra-o-dia-da-muller-mirando-cara-a-galicia-767714#.Ux-92O6dU9U.facebook

Acto polo "Día da Muller".

Sábado 8 de marzo, as 19 hs, na Sociedad Parroquial de Vedra, José Mármol 760.

Estades invitadas/os!!

Xa están as NOMINADAS  2014!!!!!!!!!!!

Dende hoxe, 28/02/14 ata o venres 07/03/14 as 18 hs, podes votalas aquí, neste blog!!!

Graciñas.

Ainda non están as candidatas, as que aparecen a ezquerda do blog son do ano 2013.
A nominar mulleres para o 2014!!! Adiante!!

Herbas de Prata busca a dúas galegas para agradecerlles o seu traballo

Coma todos os anos, a colectividade galega volve salientar o traballo das súas mulleres na emigración. Ti coñécelas e sabes que levan unha vida de esforzo e de mérito: fálanos dalgunha delas, cóntanos a súa vida, comparte con nós a súa historia. Agardamos saber delas neste enderezo: herbasdeprata@gmail.com

(Bos Aires, 17 de febreiro) – O colectivo de galegas na emigración Herbas de Prata conmemorará o Día Internacional da Muller e, como cada ano, repetirán a homenaxe a dúas mulleres sobranceiras e recoñecidas pola colectividade galega en Bos Aires. Eses dous nomes xurdirán da escolla de todas e todos os que queran participar, a partir dun sistema de votación. Por iso, Herbas de Prata ven de abrir a postulación a todas as persoas que queran participar suxerindo candidatas ao seu enderezo electrónicoherbasdeprata@gmail.com

Herbas de Prata mantén a tradición de recoñecer cada ano a dúas mulleres como xeito de botar luz sobre esas galegas que na súa vida visible ou privada colaboraron e garantiron a pervivenza da cultura galega na Arxentina. "Non queremos falar de premios porque nós buscamos só destacar e agradecer", explican. E engaden: "O que desexamos é que a coletividade pense, lembre, saliente a esas mulleres para darlles visibilidade".

Para iso, volverán entregar a distinción Rosalía (que simbolizan cunha roseira para a homenaxeada) para agradecer a esas mulleres que levan unha vida de loita pública nalgunha causa nobre.

Por outra banda, tamén entregarán o recoñecemento bautizado Virxinia Pereira (representado por unha cameleira para a muller que o leve) para facer público o traballo anónimo desas galegas que co seu labor privado, contribuíron ao desenvolvemento das súas familias e souberon sementar neles o amor e o respecto pola súa orixe galega.          

As homenaxeadas das pasadas edicións foron:

Ano	Distinción Rosalía	Distinción Virxinia
2007	Dionisia López Amado	María Rosa Iglesias
2008	Maruxa Boga	Isabel Varela e Lola Fernández de Rial
2009	Stella Maris Latorre	Eladina Figueroa Boga
2010	María Rosa Lojo e Graciela Pereira	María del Carmen Araujo Baliñas e Elvira Bermudez
2011	Débora Campos e Clotilde Iglesias e Maite Michelón	Carmen Miñones e Nilda Pallares
2012	Andrea Cobas	Carmen Román
2013	Antonia Luna	Irene Vázquez Sánchez

Dende hai dous anos, o sistema de votación foi mellorado para garantir a súa honestidade. Deste xeito, participarán as integrantes da Comisión Directiva de Herbas de Prata cun voto consensuado entre todas elas. Ademáis, cada unha das mulleres recoñecidas nas edicións anteriores terán dereito a dar un voto. E logo, a enquisa aberta na páxina de Herbas de Prata

Calquera pode achegar ata o xoves día 27 de febreiro o nome de galegas na Arxentina para os dous homenaxes con só mandar un correo ao enderezoherbasdeprata@gmail.com cunha breve explicación dos motivos desa proposta. Eses nomes poderán ser votados públicamente no blog de Herbas de Pratahttp://www.herbasdeprata.blogspot.com/ dende o venres 28 de febreiro ata o venres 7 de marzo ás 18 horas.

http://www.herbasdeprata.blogspot.com

Obradoiro "Cousas de Mulleres": A nosa homenaxe a Rosalía de Castro, polos 150 anos de "Cantares Galegos".

"Adiós ríos; adiós fontes;
adiós, regatos pequenos;
adiós vista dos meus ollos;
non sei cando nos veremos."

24 de novembro do 1861: primeira publicación do Poema "Adiós ríos; adiós fontes..."
17 de maio do 1863: Publicación de "Cantares Galegos"

Obradoiro "Cousas de Mulleres", sábado 16/11/13 en Asociación Fillos de Zas.

Dende as verbas da nosa Rosalía en "Follas Novas" foron surxíndonos  lembranzas e moitos sentimentos: vida, dureza, ironía, equilibro, verdade, dor, brote, beleza, futuro. A poetisa deixounos temáticas humanas universais: a soedade e a morriña, a dúbida existenciail, a ignorancia se non se traspoñen fronteras, a sede coma necesidade de algo, coma o desexo...
Dor e beleza...e unha canción..."Negra sombra" coa que pechamos o encontro.
Graciñas a todas/os participantes!!